Reklam verin!

axtariram ( آختاریرام )

Yazar: duzdan @ Mart 9, 2008 18:53

ay qız

Axtariram

 Bir dənə yar axtariram cismimə can axtariram

 Nə gözəl olsun nə maral eşqi qanan axtariram 

Nazli nigar eşqə duçar sevməli yar məst o xumar

 Bir mənə tay daş ürəgi dərdə salan axtariram

 Məzhəbi islam özi pak olgusu zəhraye əli 

Gəlbi dəniz gözləri ox qaşi kaman axtariram

 Qəddi yüz atmişdan uca lapda uca yox balaca 

Böylə muşəxxəsat da bir ğunçə dəhan axtariram 

eynəki yox vəzni arıq həmdə ki bir bolli şuluq

 Təcrübəsi dağca vəli yaşda cavan axtariram 

Duzli şirin çox vəfali TURK qızi da olmalidi 

Qoy ki diyim sadəsini dürre zəman axtariram 

Şair : Vəhid şukrzadə 

İ love you

آختاریرام 

بیر دنه یار آختاریرام جیسمیمه جان آختاریرام

 نه گوزل اولسون نه مارال عشقی قانان آختاریرام 

نازلی نیگار،عشقه دچار،سئوملی یار،مست و خمار 

بیر منه تای داش ئورگی عشقه سالان آختاریرام

 مذهبی اسلام اُوزی پاک الگوسو زهرای علی 

 قلبی دنیز گؤزلری اُخ قاشی کامان آختاریرام 

قدّی یوز آتمیش دان اوجا،لاب دا اوجا یوخ بالاجا

 بویله موشخصات دا بیر غنچه دهان آختاریرام

 عینکی یوخ وزنی آریخ همده کی بیر بوللی شولوخ 

تجروبه سی داغجا ولی یاشدا جاوان آختاریرام

 دوزلی شیرین چوخ وفالی تورک قیزی دا اولمالی دی

 قوی کی دییم ساده سینی دورّ زمان آختاریرام 

شاعیر : وحید شکرزاده

sevirəm səni


mənim şerlərim, şer | Şərhlər(6)
Baxış sayı: 163
Açar sözlər: axtariram آختاریرام 
Bookmark and Share

 

Özgə dilə yazmaram

Nazlı şirin dil varim, özgə dilə yazmaram

Doğrasalar da məni, öz dilimi atmaram

Cənnəti versəz mənə, dünyanı satsaz mənə

Mən Anamın naz dilin, başqa dilə satmaram

Şəhriyarım düz deyıb, qatma dilin dillərə

Mən bü gözəl türk dilin, ayrı dilə qatmaram

Bax bü dilin sayəsi, gəzdi adım dillərə

Olmasa gər bü dilim, heç yerə mən çatmaram

Onda ki mən ölmüşəm, qürlayın öz yürdüma

Çün budur adət mənim, özgə yerə yatmaram

Qəbriin ustundə siz, Türki bü şeri yazın

Öz dilimi atmaram, başqa dilə satmaram

Türk oğlan

ئوزگه دیله یازمارام

نازلی شیرین دیل واریم ، ئوزگه دیله یازمارام

دوغراسالاردا منی اُوز دیلیمی آتمارام

جنتی وئرسز منه ، دونیانی ساتساز منه

من آنامین ناز دیلین باشقا دیله ساتمارام

شهریاریم دوز دییب قاتما دیلین دیللره

من بو گوزل تورک دیلین آیری دیله قاتمارام

باخ بو دیلین سایه سی ، گزدی آدیم دیللره

اولماسا گر بو دیلیم هئچ یئره من چاتمارام

اوندا کی من اولموشم قورلایین اوز یوردوما

چون بودور عادت منیم ئوزگه یئره یاتمارام

قبریمین اوستونده سیز تورکی بو شعری یازین

اوز دیلیمی آتمارام ، باشقا دیله ساتمارام

شاعیر : تورک اوغلان


mənim şerlərim, şer | Şərhlər(1)
Baxış sayı: 141
Açar sözlər: dil دیل 
Bookmark and Share

 

seviyorum seni

Gözəl sən gözəlim

Sən gözəllər gözəlindən də gözəlsən gözəlim

Bu gözəlliqda ağizlarda məsəl sən gözəlim

Bü aci dunyada sən təkcə şirin bir məzə sən

Qöy ki mən sadə diyim dadli əsəl sən gözəlim

Mən gözəl şerlərimi təkcə sənin eşqə dedim

Çun ki sən layiqe bu şero ğəzəl sən gözəlim

Niyə sən saçlarivi məndən axi gizlədi sən ???

Olmuya şuxluq üçun səndə çeçəl sən gözəlim

Sənin eşqin dan üzaq gəzmərəm mən hətta əgər

O kaman qaşlarivinan məni dəlsən gözəlim

Elərəm canimi qurban sənə tay nazli yara

əgər ki büsə üçun bir qonaq gəlsən gözəlim

şair : Vəhid Şukrzadə

قلب

گوزل سن گوزلیم

سن گوزللر گوزلیندن ده گوزل سن گوزلیم

بو گوزللیقدا ، آغیزلاردا مَثَل سن گوزلیم

بو آجی دونیادا سن تکجه شیرین بیر مزه سن

قوی کی من ساده دییم دادلی عسل سن گوزلیم

من گوزل شعرلریمی تکجه سنین عشقه دئدیم

چون کی سن لاییق بو شعر و غزل سن گوزلیم

نییه سن ساچلاریوی مندن آخی گیزله دیسن ؟؟

اولمویا شوخلوق اوچون سنده چچل سن گوزلیم

سنین عشقیندن اوزاق گزمه رم من حتی اگر

او کامان قاشلاریوینان منی دَل سَن گوزلیم

الرم جانیمی قوربان سنه تای نازلی یارا

اگر کی بوسه اوچون بیر قوناق گَل سن گوزلیم

شاعیر : وحید شکرزاده

 seni çok özledim


mənim şerlərim, şer | Şərhlər(0)
Baxış sayı: 183
Açar sözlər: gözəl gözəlim گوزل گوزلیم 
Bookmark and Share

 

döğum günün mübarək 

Doğma gunun mübarək

Doğma gunun mübarək ay mənə mehriban yar

Qurban olum mən sənə gözləri can alan yar

Mulke süleyman verim hidyə qizildan verim

Qizil nədi can verim sevgimi tək qanan yar

Məsto xumar san bugun eşqə duçar san bugun

Heyranin oldi könul qaşlari ay kaman yar

Üzün dəyər min gülə səsin dəyər bulbulə

Getmə dayan sözum var məni görub qaçan yar

Şəmıvə pərvanəyəm eşqivə divanəyəm

Istiyirəm çox səni dərdə məni salan yar

Həmişə sən şad yaşa az yaşa azad yaşa

Bu gunlərin çox olsun nazli gözəl cavan yar

Bugun şirin şəkərsən dünyani sən bəzərsən

Bir dəli şeytan diyir alim sənin qadan yar

Şair : Vəhid Şukrzadə

happy birthday 

دوغما گونون موبارک

دوغما گونون موبارک ، آی منه مهریبان یار

قوربان اولوم من سنه ، گؤزلری جان آلان یار

ملک سلیمان وئریم ، هدیه قیزیلدان وئریم

قیزیل نه دی جان وئریم ، سئوگیمی تک قانان یار

مست و خومارسان بوگون ، عشقه دوچارسان بوگون

حیرانین اولدی کونول ، قاشلاری آی کامان یار

اوزون دَیر مین گوله ، سسین دَیر بولبوله

گئتمه دایان سؤزوم وار ، منی گؤروب قاچان یار

شمعیوه پروانه یم ، عشقیوه دیوانه یم

ایستییرم چوخ سنی ، درده منی سالان یار

همیشه سن شاد یاشا ، آز یاشا آزاد یاشا

بو گونلرین چوخ اولسون ، نازلی گوزل جاوان یار

بوگون شیرین شَکرسن ، دونیانی سن بَزرسن

بیر دلی شیطان دییر ، آلیم سنین قادان یار

شاعیر : وحید شکرزاده

 səni sevirəm


mənim şerlərim, şer | Şərhlər(0)
Baxış sayı: 124
Açar sözlər: döğum mübarək دوغوم 
Bookmark and Share

 

hardasan

 

 

Qızlar istiyir məni

Nə olüb nələr çönüb . qızlar istiyir məni

Biri qöz vürür mənə . biri səsliyir məni

Biri naz eyliyiri . biri istədir ozun

Biri ğəmzəylə baxir . biri yandirir məni

Biri tilfunun verir . diyir zəng et mənə sən

Biri gül verir mənə . biri dindirir məni

Biri şe`r diyir mənə . biri namə göndərir

Biri sms vürür . yazir gözluyur məni

Belə bir gül oğlani . niyə sən istəmisən

Bilmirəm hansi yetim . sənə pisliyir məni

bax Mənə hammi bugün . gözlərində yer verir

Qalmişam bu qız niyə . genə istəmir məni

Şair : Vəhid şokrzadə

 

 

 

sevirem seni

 

قیزلار ایستییر منی

نه اُولوب نه لر چُونوب ، قیزلار ایستییر منی

بیری گؤز وورور منه ، بـیری سسلییر منی

بیری ناز ائیلییری ، بیری ایسته دیر اُوزون

بیری غمزیله باخیر ، بیری یاندیریر منی

بیری تیلفونون وئریر ، دییر زنگ اِئت منه سن

بیری گول وئریر منه ، بیری دیندیریر منی

بیری شعر دییر منه ، بــیری نامه گُونده ریر

بـــیری اس ام اس وورور ، یازیر گؤزلییر منی

بئله بیر گول اُوغلانی ، نیه سن ایسته میسن

بیلمیرم هانسی یئتیم ، سنه پیسلییر منی

باخ منه هامّی بوگون ، گوزلرینده یئر وئریر

قالمیشام بو قیز نیه ، گئنه ایسته میر منی

شاعیر : وحید شکرزاده

ista mani leila


mənim şerlərim, şer | Şərhlər(0)
Baxış sayı: 134
Açar sözlər: qızlar istiyir قیزلار 
Bookmark and Share

 

Çöndərdi öz rüxsarini

Gördi dörd ay dan sora konlüm gözəl dildarini

Duşdi qəlbə ki gəlib dərman edə bimarini

Üşdi canim suye canan bi dəlil o bi derəng

Ta ayan etsin ona bu muddətin əsrarini

Səslədi külle vucudum dilbəri ta soyləsin

Bu neçə ayda ona xatir yazan əşarini

Baxmadi ta ki görə kimdi ğururun sindirir

əzdi şoqo zoqumi çondərdi öz ruxsarini

geşdi biqanə yanimnan eylə bir ki mən yoxam

basdi axirda mənim qəlbimə nifrət xarini

eybi yox ki saymadi məcnuni öz leylasi da

yandirar bir gun mənim ahim onun gulzarini

Şair : Vəhid Şokrzadə

yarali könül

چوندردی اُؤز روخسارینی

گؤردی دُورد آی دان سُورا کُونلوم گوزل دیلدارینی

دوشدی قلبه کی گلیب درمان اِئده بیمارینی

اوشدی جانیم سوی جانان بی دلیل و بی درنگ

تا عیان اِئتسین اُونا بو موددتین اسرارینی

سَسله دی کولِّّ وجودوم دیلبری تـا سویله سین

بو نئچه آی دا اُونا خاطیر یازان اشعارینی

باخمادی تا کی گُوره کیمدی غرورون سیندیریر

عَزدی شوق و ذوقومی ، چُوندردی اُؤز روخسارینی

گئشدی بیگانه یانیمنان اِیله بیر کی من یُوخام

باسدی آخیردا منیم قلبیمه نیفرت خارینی

عیبی یُوخ کی سایمادی مجنونی اُوز لیلاسی دا

یاندیرار بیر گون منیم آهیم اُونون گولزارینی

شاعیر : وحید شکرزاده

 yandirar


mənim şerlərim, şer | Şərhlər(1)
Baxış sayı: 132
Açar sözlər: sevgi سئوگی 
Bookmark and Share

ay ana can 

Yaz qələm nazli anamdan 

Yaz qələm nazli anamdan ki qolum yazmağa qaxmir

 O gözəl mehribanimdan ki əlim day ona çatmir

 Yazginan taysiz anamdan o qara telli maraldan

 Ta ki bu təbim oyansin ki onun layiqi yazmir 

Yazginan göyçək anamdan o şirin laylayisindan 

 Bəyə bulsun ki bu gözlər başqa bir laylaya yatmir 

O ki getdi eləbir gülzarimin bağbani getdi 

Söldi qəlbimdə ki güllər ona bir gül daha aşmir 

gəlir o hey Yuxuma söyluyuri ağlama bəsdi  

Olmuri ay ana canım bu könül day sözə baxmir

 Diyillər ahu baxişli o anan göylərə uçdi 

Sən ki mənsiz getməziydin bu mənim beynimə batmir 

Şair : Vəhid şukurzadə  

Ana

 ana

یاز قلم نازلی آنام دان

 یاز قلم نازلی آنام دان ، کی قُولوم یازماغا قاخمیر

 او گؤزل مهریبانیم دان ، کی الیم دای اونا چاتمیر

 یازگینان تایسیز آنام دان ، او قارا تئللی مارال دان

 تا کی بو طبعیم اویانسین ، کی اونون لاییقی یازمیر

 یازگینان گؤیچک آنام دان ، او شیرین لای لاییسین دان

 بیه بولسون کی بو گؤزلر ، باشقا بیر لای لایا یاتمیر

 او کی گئتدی ائله بیر گولزاریمین باغبانی گئتدی

 سولدی قلبیمده کی گوللر ، اونا بیر گول داحا آشمیر 

گلیر او هی یوخوما سویلویوری آغلاما بسدی

 اُولموری آی آنا جانیم بو کؤنول دای سؤزه باخمیر 

دییللر آهو باخیشلی او آنان گؤیلره اوشدی 

سن کی من سیز گئتمزییدین ، بو منیم بینیمه باتمیر 

 شاعیر : وحید شکرزاده 

آنا جان هارداسان ؟


mənim şerlərim, şer | Şərhlər(3)
Baxış sayı: 149
Açar sözlər: ana آنا 
Bookmark and Share

 

ANA canım

 

Can sənə qurbandi ana

Heç kimi mən istəmirəm gəl urəgim qan di ana

Hardasan axər bura gəl can sənə qurbandi ana

Sən o zaman hey dariyardin başimi indi vəli

Bir çək əlin saçlarima gör nə pərişan di ana

Səy edirəm görməsin heçkəs gözumun yaşlarini

Neyniyim olmur bulunur gözlərim giryan di ana

Duz o zaman dan ki səni aldi əlim dən bu cahan

Hər gunumun təkcə işi nale vo əfğan di ana

Ayriliqin da bu konul ot tutub axər yaniri

Bir məni al sən qucağan ki mənə dərman di ana

Çoxli səni mən sevirəm bəsdi daha heç demirəm

Gör nə sən axər ki yerin cənnəto rizvan di ana

Şair : Vəhid Şukrzadə

 

 

 ANA can

بو شعری تقدیم ائدیرم گوزل آناما ( روحی شاد اولسون ) ...

جان سنه قوربان دی آنا

هئچ کیمی من ایسته میرم ، گل ئورگیم قان دی آنا

هارداسان آخر بورا گل ، جان سنه قورباندی آنا

سن اُو زامان هی دارییاردین باشیمی ایندی ولی

بیر چک الین ساچلاریما گؤر نه پریشان دی آنا

سعی ائدیرم گؤرمه سین هئچ کس گؤزومون یاشلارینی

نینییم اُولمور بولونور گؤزلریم گریان دی آنا

دوز اُو زامان دان کی سنی آلدی الیم دن بو جاهان

هر گونومون تک جه ایشی ناله و افغان دی آنا

آیریلیقین دا بو کونول اُوت توتوب آخر یانیری

بیر منی آل سن قوجاغان کی منه درمان دی آنا

چوخلی سنی من سئویرم بسدی داحا هئچ دئمیرم

گؤر نه سن آخر کی یئرین جنت و ریضوان دی آنا

شاعیر : وحید شکرزاده

آنالار گونون بوتون آنالارا تبریک دییرم

ANA can


mənim şerlərim, şer | Şərhlər(0)
Baxış sayı: 148
Açar sözlər: ana آنا 
Bookmark and Share

qismət ( قیسمت )

Yazar: duzdan @ Mart 9, 2008 14:21

 

mavi göz

Qismət

Baxiram gül üzuvə hər zaman həsrət lə gözəl

Siniram mən sənə xatir belə heybət lə gözəl

Dedilər istəmir o heç səni onnan üzaq ol

Yaniram sevgi otuvda duzi rəğbət lə gözəl

Meylin olsa səni mən yar elərəm hətta əgər

Lazim olsa savaşam min dənə millət lə gözəl

Bilirəm vardi sənin naz o ədan dunya qədər

Eybi yox mən çəkərəm nazivi ləzzət lə gözəl

Sevəsən sevmiyəsən mən səni çoxli sevirəm

Ola bulməz qaçasan sən bu həqiqət lə gözəl

Anniva böylə yazilmiş ki mənə yar olasan

Üzaq olmaz gəzəsən yazili qismət lə gözəl

Şair : Vəhid şukrzadə

sevgi
 

 

قیسمت

باخیرام گول اوزووه هر زامان حسرت له گوزل

سینیرام من سنه خاطیر بئله هیبت له گوزل

دئدیلر ایسته میر او هئچ سنی اوننان اوزاق اول

یانیرام سئوگی اوتوودا دوزی رغبت له گوزل

میلیین اولسا سنی من یار الرم حتی اگر

لازیم اولسا ساواشام مین دنه میللت له گوزل

بیلیرم واردی سنین ناز و ادان دونیا قدر

عیبی یوخ من چکرم نازیوی لذت له گوزل

سئوه سن سئومیه سن من سنی چوخلی سئویرم

اولا بولمز قاچاسان سن بو حقیقت له گوزل

آننیوا بویله یازیلمیش کی منه یار اولاسان

اوزاق اولماز گزه سن یازیلی قیسمت له گوزل

شاعیر : وحید شکرزاده

səni sevirəm
 

 


mənim şerlərim, şer | Şərhlər(0)
Baxış sayı: 136
Açar sözlər: qismət قیسمت